Год гiстарычнай памяцi

Дата: 12 марта 2022 в 08:44, Обновлено 14 марта 2022 в 13:23

Автор: Грамотеев П. Д.

78 просмотров

Амаль кожны бачыў у хатах сваіх бабуль вышываныя ручнікі. А ці задумваліся вы, якую семантыку утрымліваюць у сабе ўзоры беларускага арнаменту? Які ручнік нашы продкі выкарыстоўвалі ў хаце, а які служыў у якасці падарунка? Вучні 5-х, 6-х і 7 "А" класа ведаюць адказы на гэтыя пытанні, бо яны наведалі "Веткаўскі музей стараабрадніцтва і беларускіх традыцый імя Ф.Р.Шклярава". Шматлікія абразы, так званыя "вышыванкі", прадметы побыту - усё гэта выклікала вялікую цікавасць і пытанні рознага кшталту ў вучняў. Кульмінацыйным момантам экскурсіі стаў сапраўдны друкарскі станок. Дзеці з захапленнем назіралі за працэсам друкавання і нават атрымалі ў падарунак адну са старонак.