Школа мужнасці і патрыятызму
7 снежня вучні 8 “А” класа ДУА“Сярэдняя школа № 9
г. Гомеля” наведалі ??Школу мужнасці і патрыятызму??, арганізаваную на базе Гомельскай абласной універсальнай бібліятэкі імя У.І. Леніна Гомельскім абласным аддзяленнем ГА “Саюз пісьменнікаў Беларусі”. ✅Урок у школе пачаўся са знаёмства з Музеем літаратуры Гомельшчыны. Дзеці не толькі ўзнавілі веды аб жыцці і творчасці чатырох народных пісьменнікаў Беларусі- ураджэнцаў Гомельшчыны - І.Мележа, І.Шамякіна, І.Навуменкі і А.Макаёнка, але і дазналіся пра франтавы перыяд жыцця літаратараў, акрамя таго, убачылі асабістыя рэчы і нататкі пісьменнікаў.
✅Пасля перад вучнямі выступіў старшыня Гомельскага абласнога аддзялення ГА “Саюз пісьменнікаў Беларусі” Уладзімір Мікалаевіч Гаўрыловіч з аповедам пра незабыўны подзвіг Мішы Мароза.
✅Урок працягнула беларуская паэтэса Тамара Віктараўна Кручэнка, якая не толькі чытала свае вершы, але і ўручыла два зборнікі паэзіі з дарчым подпісам настаўнікам і вучням школы.
